Ա. Խաչատրյանի անվ. ջութակահարների 16-րդ միջազգային առցանց մրցույթ, 6-15 հունիսի

Ա. Խաչատրյանի անվ. ջութակահարների 16-րդ միջազգային առցանց մրցույթը կկայանա 2020թ. հունիսի 6-15-ը,2020։

Մրցույթի պայմաններ

Մրցույթին կարող են մասնակցել ջութակահարներ՝ անկախ քաղաքացիությունից և ազգությունից` 16-ից մինչև 32 տարեկան /2020 թ. հունիսի 6-ի՝ մրցույթի բացման պահի դրությամբ): Նախկինում մրցույթի առաջին մրցանակին արժանացած ջութակահարները մասնակցել չեն կարող:

Ա. Խաչատրյանի անվ. ջութակահարների 16-րդ միջազգային մրցույթը բաղկացած է նախընտրական լսումներից /ըստ ներկայացված տեսանյութերի/ և երեք փուլերից՝ 1-ին փուլ (նախընտրական), 2-րդ փուլ (կիսաեզրափակիչ), 3-րդ փուլ (եզրափակիչ)։

1-ին փուլին մասնակցելու համար նախնական լսումների արդյունքներով կընտրվեն ոչ ավելի, քան 24 մասնակիցներ։
2-րդ փուլին մասնակցելու համար կընտրվեն ոչ ավելի, քան 12 մասնակիցներ։
3-րդ փուլին մասնակցելու համար կընտրվեն ոչ ավելի, քան 6 մասնակիցներ։
Բացառիկ դեպքերում` ժյուրիի նախագահի որոշմամբ, մրցույթի հաջորդ փուլ կարող են անցնել այլ թվով մասնակիցներ։
Հաջորդ փուլ չանցած թեկնածուները կարող են հարցումներ ուղղել (կազմկոմիտեի միջոցով) կազմկոմիտեի կողմից ընտրված ժյուրիի անդամին։
Բոլոր ստեղծագորությունները (բացի սոնատներից) մրցույթի բոլոր փուլերում պետք է կատարվեն անգիր։ Մասնակցի կողմից մրցույթին ներկայացված ծրագիրը փոփոխման ենթակա չէ մրցույթի ամբողջ ընթացքում։ Բոլոր մասնակիցները կարող են սահմանել կատարվելիք ստեղծագործությունների հերթականությունը։
Ժյուրիին իրավունք է վերապահվում չեղարկել մրցանակը կամ բաժանել այն թեկնածուների միջև։ Ժյուրիի որոշումը վերջնական է և փոփոխման ենթակա չէ։
Մրցույթի 1-ին, 2-րդ և 3-րդ փուլերը անցկացվում են առցանց։
Նախնական լսումները հաջողությամբ հաղթահարած թեկնածուները ստանում են մրցույթի հավելված մուտք գործելու հնարավորություն և պետք է վերբեռնեն մրցույթի բոլոր երեք փուլերում իրենց կատարումների տեսաձայնագրույթյունները՝ մրցույթի ժամանակացույցին համապատասխան։
Առցանց հավելվածի օգտագործման նպատակով տրամադրվում է պարզ ձեռնարկ։ Մասնակիցը պարտավորվում է սեղմ ժամկետում տեղեկացնել մրցույթի մասնակիցներին հավելվածի օգտագործման հետ կապված տեխնիկական յուրաքանչյուր խնդրի մասին՝ այն նկարագրելով մրցույթի կայքում առկա զրուցարանում։
1-ին և 2-րդ փուլերի ելույթների ընթացքում թեկնածուին պետք է նվագակցի դաշնակահարը: Կատարող ջութակահարի (մրցույթի մասնակից) և նրան նվագակցող դաշնակահարի համար սահմանված է հագուստի հատուկ կարգ։
3-րդ (եզրափակիչ) փուլում կատարումները կուղեկցվեն Հայաստանի պետական ​​սիմֆոնիկ նվագախմբի ձայնագրություններով (օգտագործման կանոնները հասանելի են 1-ին փուլ անցած մասնակիցներին տրամադրված հավելվածի օգտագործման ձեռնարկում):
3-րդ փուում նվագախմբի ձայնի բարձրությունն է 442 հց։
Մասնակիցների ներկայանալու կարգը որոշվելու է համակարգչային վիճակահանությամբ և անփոփոխ կմնա մինչ մրցույթի ավարտը:
Մրցույթի հեռարձակման, աուդիո և տեսաձայնագրությունների ամբողջ ծավալը և դրա հետագա օգտագործման բոլոր իրավունքները պատկանում են մրցույթին. նյութերը մասնակիցներին տրամադրվում են ըստ պահանջի։ Մրցույթի արդյունքները հայտարարելուց հետո աուդիո և տեսաձայնագրությունները պահվում են մինչ 2020թ. հունիսի 6-ը ներառյալ, այնուհետև հեռացվում են համացանցից՝ բացառությամբ հատուկ մրցանակներ ստացած մասնակիցների ելույթների։

Թեկնածուների ընտրություն

Բոլոր թեկնածուները պետք է տրամադրեն իրենց ելույթների տեսաձայնագրությունների հղումները (առնվազն 15 րոպե տևողությամբ)։ Հայտադիմումը պետք է ներառի լսումներին ներկայացվելիք ստեղծագործությունների ճշգրիտ անվանացանկը՝ ձայնագրությունների ամսաթվի և տևողության նշումով։
Տեսագրությունը պետք է կատարվի մեկ ֆիքսված տեսախցիկով, մեկ անընդհատ կադրով, առանց մոնտաժային ընդհատումների հատվածի ամբողջ ընթացքում։ Ընդունվում են միայն 2017թ. հունիսի 6-ից արված տեսագրություններ։ Նախնական ընտությանը մասնակցող ստեղծագործությունները կարող են կատարվել նաև հաջորդ երեք փուլերում։
Նախնական ընտրությունից հետո մասնակիցները էլ. փոստով կտեղեկացվեն մրցույթի 1-ին փուլ անցնելու մասին։ Նախընտրական արդյունքները կհրապարակվեն մրցույթի կայքում 2020թ. հունիսի 1-ին։

Մասնակցության վճար

Հայտադիմումների (այսուհետ` հայտ) ներկայացում

Հայտադիմումների (այսուհետ` հայտ) ներկայացում

Մասնակցության հայտը և համապատասխան փաստաթղթերը պետք է ուղարկվեն հետևյալ էլեկտրոնային հասցեին՝ E-mail address:
[email protected] նամակի առարկայում նշելով անուն-ազգանունը և «Խաչատրյանի անվ. մրցույթի մասնակցության հայտ» վերնագիրը։
Հայտերի ներկայացման վերջնաժամկետն է 2020թ. մայիսի 25-ը։
Հայտի ձևաթուղթը կարող եք ներբեռնել այստեղից.

Հայտին անհրաժեշտ է կցել հետևյալ փաստաթղթերը`

• անձնագրի պատճեն,
• կենսագրություն` անգլերեն լեզվով (նաև` հայերեն և ռուսերեն (առկայության դեպքում)),
• գեղարվեստական ոճով մեկ լուսանկար՝ բարձր որակի (նվազագույն չափսը 2մբ) մրցույթի գովազդային նյութերում օգտագործելու համար,
• մասնակցության վճարի հանձնարարագիր։ Առանց վճարումը հաստատող փաստաթղթի որևէ հայտ չի դիտարկվելու,
• վերջին 5 տարիների ընթացքում հրապարակված հոդվածներ թեկնածուի մասին, (առկայության դեպքում)։

Մերժման են ենթակա մրցույթի կարգավորումներին չհամապատասխանող հայտերը։ Անհրաժեշտության դեպքում մասնակցից կարող են պահանջվել լրացուցիչ տեղեկություններ։
Մրցույթին մասնակցության հայտ ներկայացնելով` թեկնածուները համաձայնում են մասնակցել մրցույթի բոլոր փուլերին` ժյուրիի կողմից ընտրված հերթականությամբ: Հայտերը ներկայացնելու պահին մրցույթը հավաքում է մասնակիցների վերաբերյալ անձնական տեղեկություններ` մրցույթի հատուկ ընթացակարգային նպատակների համար: Անձնական տվյալները պահվում են տվյալների անվտանգ շտեմարանում: Մասնակիցների վերաբերյալ հրապարակման են ենթակա միայն հետևյալ տեղեկությունները՝ անունը, ազգանունը, ծննդյան տարեթիվը, ամսաթիվը, ծննդյան վայրը, ազգությունը, կենսագրությունը, լուսանկարները, անձնական կայքը և սոցիալական ցանցերում անձնական էջերը: Մասնակցին վերաբերող ոչ մի չհրապարակված տեղեկություն չի կարող փոխանցվել երրորդ կողմի: Մասնակիցները կարող են դիտել իրենց անձնական տվյալները և գրավոր տեսքով դրանցում փոփոխություններ կատարել:
Հայտ ներկայացնելով` թեկնածուները հաստատում են իրենց համաձայնությունը մրցույթի բոլոր պայմաններին:

Հրապարակման պահին մասնակցության բոլոր կանոններն ուժի մեջ են, սակայն մրցույթի կազմկոմիտեն իրեն իրավունք է վերապահում որոշ փոփոխություններ կատարել մրցույթի մեկնարկից ոչ ուշ, քան 1 ամիս առաջ: